УЕФА-гийн хамгийн том тэмцээн болох аваргуудын лигийн сугалаа боллоо. Уг арга хэмжээ Францын Монако хотод болсон юм. Энэ жилийн аваргуудын лиг хэд хэдэн онцлогтой. Тухайлбал, Английн шилдэг клубүүдийн нэг  “Ливерпүүл” аваргуудын лигт эргэн ирж “В” хэсэгт “Реал Мадрид”, “Базель” зэрэг багтай таарав. Мөн “Мальмо”, “Марибор”, “Лудогорец” зэрэг клуб анх удаа аваргуудын лигт хүч үзэх гэж байна. Тэгвэл мэргэжилтнүүд үхлийн хэсгийг “Е” хэмээн тодотгожээ. Энэ хэсэгт Германы “Байерн Мюнхен”, “Манчестер Сити”, Оросын “ЦСКА Москва”, Италийн “Рома” клуб багтав. Харин “С” болон “Н” хэсгийг “амьдралын” гэж тодорхойллоо. Дээрх хэсгүүдэд ижил төвшний багууд багтсан бөгөөд жинхэнэ утгаараа ширүүн өрсөлдөөн үзүүлнэ гэж хөлбөмбөгийн мэргэжилтнүүд дүгнэж байна.

Ингээд аваргуудын лигийн найман хэсэгт багууд хэрхэн багтсаныг зургаар үзүүлье.

Эх сурвалж: "Үндэсний шуудан"