Парагвайн дотуур хувцасны шилдэг модель, сайхан бүсгүйчүүдийн нэг Ларисса Рикуэльме хэрэв энэ жилийн дэлхийн аваргад улсынх нь шигшээ баг түрүүлвэл Диего Марадонагийн жишгээр гудамжаар нүцгэн гүйнэ хэмээн амлалаа. Домогт хөлбөмбөгч Марадонагийн баг хэрэв дэлхийн аваргад түрүүлж, “Алтан дагина” хүртвэл дасгалжуулагч өөрөө гудамжаар чармай шалдан гүйж, баяраа тэмдэглэнэ гэдгээ нэгэнт амлаад байгаа юм.

Парагвай шөвгийн 16-д Японы багийг торгуулийн цохилтоор буулгаж авсан тоглолтыг Ларисса улсынхаа нийслэл Асунсьон хотын төвд олон мянган үзэгчдийн хамт үзсэн бөгөөд энэхүү түүхэн ялалтын дараа сурвалжлагч түүнээс “Хэрэв бид түрүүлвэл Марадонагийн адилаар нүцгэн гүйх үү” гэж асуухад нь, сэтгэл нь хөдөлсөн тэрбээр “Мэдээж, тэгэлгүй яахав. Гэхдээ улсынхаа далбааны өнгөөр биеэ будуулна” хэмээн хариулжээ.

С.Цэлмэг