-Эмэгтэйчүүдийн – 70 кг-д Ц.Наранжаргал эхний тойрогт Нидерландын бөхөд ялагдаж, тэмцээнээ дуусгалаа. –

Жүдо бөхийн 2014 оны дэлхийн аварга шалгаруулах тэмцээн ОХУ-ын Челябинск хотын “Трактор Арена”-д тав дахь өдрөө үргэлжилж байна.

Хуваарийн дагуу өнөөдөр эрэгтэйчүүдийн -90 кг, эмэгтэйчүүдийн -70, -78 кг жингийн барилдаан болно. Түүнд эмэгтэйчүүдийн -70 кг-д Ц.Наранжаргал, -78 кг-д Б.Мөнхтуяа нар барилдаж буй.

Эмэгтэйчүүдийн – 70 кг-д Ц.Наранжаргал эхний тойрогт Нидерландын бөх Ким Поллингд хоёр торгуулиар ялагдаж тэмцээнээ өндөрлүүллээ. Энэ жинд нийт 33 бөх барилдаж байгаа бөгөөд Нидерландын Ким Поллингийн хувьд "А" хэсгийг тэргүүлэн барилдаж байна.

-78 кг-д Б.Мөнхтуяа эхний тойрогт хийлсэн бөгөөд Унгарын бөх Жоо Абигельтэй хоёрдугаар тойргийн барилдаанаа хийнэ. Энэ жинд нийтдээ 36 бөх барилдаж байна.