-Д.Сумъяа Португалийн Монтейрод цэвэр ялагдсанаар хүрэл медалийн төлөө Нидерландын Верхагентай барилдахаар шалгарлаа.

Жүдо бөхийн дэлхийн аварга шалгаруулах тэмцээн ОХУ-ын Челябинск хотын “Трактор Арена”-д гурав дахь өдрөө үргэлжилж байна. Өнөөдөр буюу тэмцээний гурав өдөр эрэгтэйчүүдийн 73 кг, эмэгтэйчүүдийн 57 кг-ын жингийн барилдаан болж, медальтнууд тодорно.

Эмэгтэйчүүдийн 57 кг-ын жинд  хүч үзэж буй ОУХМ Д.Сумъяа хагас шигшээд шалгараад байсан. Тэрээр мөнгөн медалийн төлөө Португалийн Телма Монтейротой барилдаж, цэвэр ялагдсанаар хүрэл медалийн төлөө барилдахаар боллоо. Д.Сумъяа Нидерландын бөх Санни Верхагентэй барилдана.

Энэ жингийн аваргын төлөө Португалийн Телма Монтейро, Японы Удака нар шалгараад байна.

Манай бөхийг ялсан Португалийн Телма Монтейрогийн хувьд дэлхийн аваргын дөрөв дэх финалд шалгараад байна. Энэ жил 29 настай Телма Монтейрогийн хувьд дэлхийн аваргаас гурван мөнгө (2007, 09, 10), нэг хүрэл медаль (2005), Европын аваргаас дөрвөн алтан медаль (2006, 07, 09, 12) хүртжээ.