Mozilla компани Энэтхэг улсын зах зээлд хямд үнэтэй ухаалаг гар утсаа гаргалаа. Cloud FX нэртэй уг ухаалаг гар утас нь Firefox үйлдлийн системтэй ба ердөө 33 ам.долларын үнэтэй гэдгээрээ олны анхаарлыг маш ихээр татаж байна.

Энэхүү гар утас нь 1.0 GHz процессортой, 4GB багтаамжтай, Bluetooth болон Wi-fi –тай, 2 МР камертай, 3.5 инчийн дэлгэцтэй юм байна.

Тус компанийн ерөнхийлөгч Ли Гонг “Бидний гаргасан шинэ гар утас нь Азийн ухаалаг гар утасны зах зээлд шинэ түвшин бий болгож, хямд үнийг тогтооно” хэмээн мэдэгджээ.

Энэтхэгийн гар утасны зах зээл нь хамгийн хурдацтай өсөн нэмэгдэж байгаа ба хямд үнэ бүхий ухаалаг гар утасны эрэлт маш их байгаа юм байна. Тиймээс энэхүү хямд үнэтэй шинэ утасны борлуулалт сайн байна гэдэгт итгэлтэй байгаа аж.

Т.БИЛГҮҮН