Твийтер өнөөдөр Бат инженер нэрээр танигдсан жиргээч Ц.Батын мэдээллээр амьсгалж байна. Шүүхээс Ц.Батыг Зам тээврийн сайд А.Гансүхийн гомдлоор түүний нэр төрд халдаж, удаа дараа үндэслэлгүй мэдээлэл түгээсэн гэсэн үндэслэлээр гурван сар 10 хоног буюу 100 хоногийн хугацаанд баривчлах шийдвэр гаргасан байна. Жиргээч Бат инженерийн “хэрэг”-ийг найман сарын хугацаанд шалгасан гэх бөгөөд түүнийг гурван сарын хугацаанд 5000 гаруй удаа А.Гансүхийн нэр төрд халдаж жиргэсэн хэмээн шүүх үзжээ.

Тухайлбал, Бат инженер өөрийн твийтр хуудсандаа, “Билэгсайханыг МИАТ-с хөөж явуултал би Гансvx, Женко, АН-ыг баалсаар л байх болно", "МИАТ-г энэ тэнэгээр доромжлуулсаар байхыг зөвшөөрхгүй”, “АТГ өөрийгөө шалгуулсан бvxнийг буруугүй гээд явуулчихдаг юм байх даа. Тийм биш юм бол Билэгсайханыг шалгуулах дуран дээр нь шалз хуйхлаасай” гэхчлэн жиргэжээ.

Цахим ертөнцөд жиргээч залууг дэмжсэн олон жиргээ байх ч "Шүүхийн шийдвэрийг хүндэтгэх хэрэгтэй", "Баримтгүй жиргэх ийм байдалд хүргэнэ" гэсэн байр суурь илэрхийлэх хүмүүс ч цөөнгүй байна. Хэзээний сэргэлэн жиргээчид энэ үйл явдлыг "Эзэн-100" гэдэг шиг "Бат-100 хоног" гэж нэрлээд амжжээ.

17.20 цаг.

17.00 цаг.

15.20 цаг. 

15.00 цаг.

14.00 цаг.

13.40 цаг.

Сартуулхан ♂ ‏@sartuulhan Нэг твиттерчин нь хоригдсоныг эсэргүүцэж сошил орчинд суулт зарлан 100 аккаунт диактив хийгээч 😀

batzorig.b ‏@batzorig2012  Дарга болоогүйнхээ төлөө хонзогнож гүтгээд баривчлах ял авсан батаас, ШУДАРГА зүйлийн төлөө тэмцээд 21 жилээр хоригдсон МӨНХБАЯР л хөөрхий..

Азхүү Мөнхбаяр ‏@A3XVV  Бат инженерийн шүүх хурал хэзээ болсон юм бэ?

batzorig.b ‏@batzorig2012  "Шударга" байхыг хичээгч Батын бичсэнүүд ҮНЭН бсан бол Гансүх буруудах ёстой, Гансүх нь буруугүй бсан бол Бат шударгаа нотлох байсаан гэж.

Чансаа ‏@AmartuvshinD  Бат инженерийн энэ хэрэг дээр хэдүүлээ жиргээг хэвлэл мэдээллийн хэрэгсэл гэж үзэх эсэхийг мэдэж авья. Хуульчид мэтгэлцээрэй

13.00 цаг.

Amaraaliberty ‏@amaraaliberty  Би Бат инжинерт дургүй бид бие биеээ дагадаггүй гэхдээ. Жиргээнийх нь төлөө хорьж байгаа бол түүнийг өмөөрхөд бэлэн байна.

Тэгшжаргал. Б ‏@toimch  Жиргээг хэвлэл мэдээллийн хэрэгсэл гэж үзээгүй тохиолдолд Бат инженер буруугүй байсан юмуу?

Оргил ‏@orgii  Зөвхөн гүтгэх биш доромжлох ялгаварлан гадуурхах гэх мэт хэргээр олон хүнийг шийтгэж зохих ялыг нь өгч байсан жишээ гадаадад олон байна лээ.

Оргил ‏@orgii  Ахыгаа баригдах гээд аймаг руу ачигдаж байхад нь ч хэлж л байсан.. жиргээгээр хүн гүтгэвэл гэмт хэрэг гэж үздэг болоод байгаа гэж..

Бодончар ‏@Bodonchar  Инженер нэртэй хүн болгоныг хорино #гэнээ

12.30 цаг.

сэтгүүлч ‏@otgonjargal2  Бат инженерээ өмөөрнө өө. Мэдлэг боловсрол нь хориход биш агаарт байх ёстой хүнийх нь хувьд хүндэтгэлгүй яахав ээ. хурдан гаргаасай билээ.

Bolormaa Luntan ‏@BolormaaLuntan  Бат инженер баатар биш. Гансүх сайд өөгүй өндөг бүр биш. Гол нь хэн яагаад хоригдож байгаа нь сүүлийн үед улам учир битүүлэг болж байна.

БАТ ИНЖЕНЕР ‏@_g__t  Жиргээ албан ёсны хэвлэл мэдээллийн хэрэгсэл болжээ, одооноос чээжний пан, сэтгэл хөдлөлөөр хандаж болохгүй нь.

ЦАХИМ БОЛЖМОР