МАХН-аас өнөөдөр сэтгүүлчдэд мэдээлэл хийлээ. “Улстөрийн тойм” сонины өнөөдрийн дугаарт МАХН-ын дэд дарга Д.Тэрбишдагва, Ерөнхий нарийн бичгийн дарга Г.Шийлэгдамба нарт хүргэх уриалг тавигдсантай холбоотойгоор тайлбар хийж буй аж. Энэ талаар МАХН-ын ерөнхий нарийн бичгийн даргын зөвлөх Г.Дугаржав “МАХН-ын бүтцэд Шударга ёс-Ахмадын холбоо, Шударга ёс-Оюутны холбоо, Шударга ёс-Эмэгтэйчүүдийн холбоо, Шударга ёс-Залуучуудын холбоо гэсэн дөрвөн байгууллага л байдаг.  Харин Шударга ёс-Анхдагчдын холбоо гэж байхгүй.  Ийм байтал тус сонинд тавигдсан дээрх уриалгыг “Шударга ёс-Анхдагчдын холбооноос гэж тодотгосон нь эргэлзээнд оруулаад байна. Тус уриалгыг гаргасан сониноос “Шударга ёс-Анхдагчдын холбоотой холбогдох утас байна уу” гэхэд “Байхгүй” гэсэн хариулт өгсөн. Тус уриалгад манай намын анхдагч гишүүд ихэд эгдүүцэж гайхаж байна” гэлээ.

Г.БОЛОР