Баянхошууны Хөтөлөөс Жанцангийн уулзвар хүртэлх 1.2 км авто замыг энэ сарын 18-ны 06.00 цагаас эхлэн бүтэн хааж, суурь асфальт бетон хучилтын ажил гүйцэтгэхээр болжээ. Төлөвлөснөөр замын хөдөлгөөнийг наймдугаар сарын 26-ны өглөө нээх аж. Харин энэ хүртэлх хугацаанд тээврийн хэрэгслийн болон нийтийн тээврийн хөдөлгөөн зохицуулалтыг Нийслэлийн Тээврийн газар, Нийслэлийн Замын цагдаагийн газар хийх аж.

Дээрх замыг Хувьсгалчдын гудамж буюу Зурагтын шинэ эцсийн буудлаас Баянхошууны уулзвар хүртэлх 4.6 км авто замын өргөтгөл, шинэчлэлтийг хийхтэй холбоотойгоор хаах юм байна.

Г.НАРАН