Иргэний харьяалал, шилжилт хөдөлгөөний ерөнхий газраас “Авлига, ашиг сонирхлын зөрчлөөс ангид байцгаая” аяныг наймдугаар сарын 1-нээс  аравдугаар сарын 15-ны өдрийг хүртэл зарлажээ.

Энэхүү аян нь байгууллагын албан хаагчдад Авлигын эсрэг хууль, Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хууль болон холбогдох бусад хууль тогтоомжийг сурталчлах, авлига, ашиг сонирхлын зөрчилд өртөхөөс урьдчилан сэргийлэх зорилготой аж.

Аяныг өрнүүлснээр иргэн, аж ахуйн нэгж байгууллагуудад хүрэх төрийн үйлчилгээний чанар сайжирч, албан хаагчдыг авлига, ашиг сонирхлын зөрчлөөс урьдчилан сэргийлэх нөхцөл бүрдэнэ хэмээн холбогдох албаны хүмүүс хэллээ.

Г.БОЛОР