Дэлхийн спорт хувцасны алдарт брэнд NIKE-аас жил бүр АНУ-ын Лос Анжелес хотноо гурвын эсрэг гурав буюу "NIKE 3 on 3" тэмцээнийг зохион байгуулдаг билээ.

Наймдугаар сарын 8-10-ны өдрүүдэд "NIKE 3 on 3" тэмцээн “Лос Анжелес Лэйкэрс” багийн алдарт “Staples” төвийн гадна талбайд зохион байгуулагдлаа. Тэмцээнд АНУ-ын 1200 багийн 4500 гаруй орчим тамирчид оролцсоны дотор Монголын шигшээ баг багтсан. Мэргэжлийн 2-р зэрэглэлд 32 багтай багтсан Монголын баг тус тэмцээнд амжилттай тоглож, аваргын алтан медаль хүртлээ.

Сагсан бөмбөгийн 3 эсрэг 3 төрөл дэлхийн дахинд хурдацтай хөгжиж байгаа энэ үед МҮСБХолбооны тамирчдын амжилт жилээс жилд нэмэгдсээр байна. Энэ оны тавдугаар сард БНХАУ-д болсон сурагчдийн ДАШТ-нд амжилттай оролцож, эрэгтэй баг V байр, эмэгтэй баг XI байр эзэлсэн билээ. Тэгвэл АНУ-д болсон "NIKE 3 on 3" тэмцээнээс Монголын тамирчид алтан медаль хүртлээ.

Тэмцээний фото агшинг ЭНД ДАРЖ үзнэ үү. 

Албан ёсны сайт: www.nike3on3.com

Мөн Nike Basketball 3ON3 Tournament хуудсаас фото агшинг үзээрэй.

Ч.БОЛОР