Нэгэн эр “reddit” сайтад “Стив Жобс одоо хүртэл амьд. Бразилийн Рио-де-Жанейро хотод амьдарч байна” гэсэн тайлбартайгаар selfie зургаа нийтэлжээ. Уг зурагт тэргэнцэр дээр суусан Стив Жобстой тун адилхан нэгэн хүн гарсан байна.

Энэхүү зургаас үүдэлтэй цахим ертөнцөд Стив Жобс амьд эсэх тухай ихээхэн шуугиан дэгдэж, хүмүүс олон янзын таамаглал дэвшүүлжээ.

2011 онд нойр булчирхайн хорт хавдраар нас барсан Стив Жобсыг амьд гэдэгт итгэхийг хүссэн хүмүүс ”Стив Жобсын толгойг өөр хүний биед шилжүүлэн суулгасан, энгийн амьдралаар амьдрахыг хүссэн учраас худлаа үхсэн” гэх зэргээр олон таамаг дэвшүүлжээ.

Харин уг зураг дээр гарсан эрхэм нь“Sport Fishing” сэтгүүлийн редактор хийж байсан Andy Hahn гэдэг хүн байжээ. Тэрээр дээрх зурагтай холбоотой “Би Стив Жобс биш. Гэхдээ би амьд байгаа нь бол үнэн шүү” хэмээн мэссэж илгээсэн байна.

Т.БИЛГҮҮН