2014 оны залуучуудын ДАШТ Хорват улсын Загреб хотын “Dow Sportova” спортын ордонд үргэлжилж байна.

Тэмцээний гурав дахь өдөр буюу наймдугаар сарын 7-нд эмэгтэй чөлөөт бөхийн 44, 51, 59, 67 кг-ын жингүүдийн барилдаан болж манай гурван бөх зодоглосон ч их тааруу барилдлаа. Тухайлбал 51 кг-ын жинд Б.Мөнхтуяа хятадын бөхтэй барилдахдаа ганц л мушгих мэх хийх гэж хэдэнтээ бүтэлгүй оролдож өрсөлдөгчдөө оноо “бэлэглэж” барилдааны явцад тактикаа өөрчлөхгүй байсаар ялагдсан. Манай гурван бөх таван барилдаан хийж, нэг ялалт авч дөрвөн ялагдал хүлээсэн.

Японы бөхчүүд сайн барилдаж, гурван алтан медаль хүртжээ.

Өнөөдөр эмэгтэй чөлөөт бөхийн 44, 51, 59, 67 жингүүдийн барилдаан болно. Манай дөрвөн бөх барилдана.

Эмэгтэй чөлөөт бөх

44 кг               1. Харука Учижо /Япон/

2. Риту Фогат /Энэтхэг/

                        3. Мария Дои /АНУ/

                        3. Миглан Селишка /Болгар/

11. Лхагвагийн Баттогтох /Налайх дүүрэг/

            Энэ жинд 15 бөх барилдсанаас Л.Баттогтох нэгдүгээр тойрогт туркийн бөх Гормус Бусрад 7:9 онооны харьцаагаар дийлджээ.

51 кг               1. Наталья Малышева /ОХУ/

2. Мерседес Денес /Унгар/

3. Ингфен Кин /БНХАУ/

3. Лиля Хоришна /Украин/

21. Батбаатарын Мөнхтуяа /Дархан-Уул аймаг,

      “Хасу-Мегастарс клуб/

            Энэ жинд 21 бөх барилдсанаас Б.Мөнхтуяа нэгдүгээр тойрогт хятадын бөх Ингфенг Кинд 0:6, 0:4 онооны харьцаагаар дийлджээ.

59 кг               1. Рисако Кавай /Япон/

2. Луиза Немеш /ХБНГУ/

3. Каяла Миракль /АНУ/

3. Петра Олли /Финланд/

Энэ жинд 22 бөх өрсөлджээ.

67 кг               1. Масако Фуручи /Япон/

2. Далма Канева /Итали/

3. Дануте Домикайтыте /Литов/

12. Отгонбатын Оюунгэрэл /Дархан-Уул аймаг,

     “Хасу-Мегастарс” клуб/

            Энэ жинд 20 бөх барилдсанаас О.Оюунгэрэл нэгдүгээр тойрогт хийлж хоёрдугаар тойрогт канадын Лорена Эллисийг 4:1 онооны харьцаагаар ялж хоёрдугаар тойрогт италийн бөх Далма Каневад, дагах барилдаанд литовын бөх Дануте Домикайтытед цэвэр ялагджээ.