Мэргэжлийн талбайн теннисний эрэгтэйчүүдийн Мастерсийн цуврал тэмцээн Канадын Торонто хотод болж байна. Энэ сарын сүүлээр эхлэх "Америкийн нээлттэй тэмцээн"-ий өмнө болж буй "Rogers Cup" тэмцээнд дэлхийн шилдэг теннисчид оролцож байна. "Швейцарь цаг" хочит Рофер Федерер гуравдугаар тойрогт шалгараад байгаа бөгөөд тэрээр өчигдөр болсон хоккейн үзүүлэх тоглолтод оролцсон байна. 

Өдгөө 32 настай Швейцарийн алдарт теннисчин Рожер Федерер "Их дуулга" тэмцээнээс 17 түрүү хүртэж, "Бээжин-2008" олимпийн наадмаас хосын төрлөөр алт, "Лондон-2012" олимпийн наадмын ганцаарчилсан төрлөөс мөнгөн медаль хүртсэн билээ. Тэрээр теннисчин Миркатай гэрлэсэн бөгөөд тэд ихэр охин, хүүтэй.

Ч.ШАРХҮҮ