Наймдугаар сард дотоодын тэмцээн, уралдаан цөөнгүй болох нь.

Монголын бодибилдинг, фитнессийн холбооны “Монголын мистер-2014” улсын аварга шалгаруулах тэмцээн /УАШТ/ наймдугаар сарын 02-нд буюу маргааш “UB Palace”-ын концертын их танхимд болох бол бадминтоны улсын аварга шалгаруулах тэмцээн наймдугаар сарын 09-нд Орхон аймагт товлогджээ.

Үүний дараа буудлага спортын насанд хүрэгчдийн УАШТ наймдугаар сарын 11-16-ны өдрүүдэд Улаанбаатар хотод болох аж. Уг  тэмцээний дараа Хөдөлмөрийн баатар, олимпийн мөнгөн медальт О.Гүндэгмаа тэргүүтэй шигшээ багийн тамирчид дөрвөн жил тутамд болдог буудлагын Дэлхийн аварга шалгаруулах тэмцээнд өрсөлдөнө. Тэмцээн ирэх есдүгээр сарын 6-20-нд Испанийн Гренадад болох юм.

Б.ЭНХ