Хүүхдээ хараа хяналтгүй орхисноос хүүхэд хөл алдаж усанд живэх тохиолдол хамгийн их байдаг ба өдөрт дунджаар 10 хүүхэд усанд живж амиа алддаг гэсэн тооцоо байдаг аж.

Бага насны хүүхэд усанд живж амь насаа алдах эрсдлээс хамгаалах iSwimband нэртэй ухаалаг зүүлтийг бүтээжээ. Уг зүүлтийг нь хүүхдийнхээ толгойд зүүх ба тусгай арр-ын тусламжтайгаар ухаалаг гар утсандаа холбоно.

Хүүхэд тань усанд орох үед танд мэдээлэл ирэх ба усан дор 10-аас дээш секунд болоход танд мэдэгдэх юм байна. Ингэснээр та хүүхдээсээ хэдхэн минут холдохдоо ч хүүхэддээ хяналт тавих боломж бүрдэх аж.

Энэхүү зүүлтийг 99 ам.долларын үнээр онлайн дэлгүүрүүдээр худалдаалж эхэлсэн байна.

Т.БИЛГҮҮН