Цус сорогчдын ертөнцийн хууль дүрэм, хайр дурлал, дотоод тэмцэл мөн хүн чонын тухай өгүүлдэг “Twilight” киноны сүүлийн анги болох "The Twilight Saga: Eclipse" өчигдөр нээлтээ хийсэн. Нээлтийн тасалбар нь худалдаанд гарсан даруйдаа дуусч, фэнүүд нь нээлтийн өдрийг тэсэн ядан хүлээж байсан энэхүү кино нээлтээ хийсэн өдрөө л 30 сая ам.долларын ашиг олж рекорд тогтоолоо.
Харин энэхүү кино мэргэжилтнүүдээс тийм ч сайн үнэлгээ авч чадсангүй. Тэднийг ядуухан жүжиглэлттэй, эхний хоёр ангиасаа ялгагдах онцын хурц адал явдалгүй, нуршуу нэгэн хэвийн хайр сэтгэлийн түүхийг өгүүллээ хэмээн дүгнэсэн байна.
Хэдийгээр кино шүүмжлэгчид мэргэжилтнүүдээс сайн үнэлгээ аваагүй ч энэхүү кино энэ зуны Box Office-д тэсрэлт авчирч, ашиг орлогоороо рекорд тогтоож магадгүй хэмээн таамаглаж байна.

Н.Наран