Мэргэжлийн сүмогийн Нагоя башё өндөрлөхөд гурван өдрийн барилдаан үлдлээ. Тэмцээний арванхоёр дахь өдөр буюу өнөөдрийн барилдаанд тэмцээнийг тэргүүлж байсан Их аварга Хакүхо, Озэки Котошёогикү нар оноолт таарч, Хакүхогийн ялалтаар өндөрлөлөө.

Энэ өдрийн барилдаанд Их аварга Хакүхо Озэки Котошёогикүг давснаар 11 даваатай болж, башёг ганцаараа тэргүүлж эхэллээ. Башёгийн 11 дэх өдөр хүртэл унаагүй тэргүүлж байсан Их аварга Хакүхо өчигдөр сэкивакэ Гойэдод ялагдсан.

Өнөөдрийн барилдаанд Ёкозүна Харүмафүжи Гоэйдог, Ёкозүна Какүрюү Тамавашиг давлаа. Найман даваатай байсан Озэки Кисэносато Такэказэд ялагджээ. Египетитийн Оосүнаараши Аминишикиг давснаар зургаа дахь ялалтаа авлаа. Маэгаширгийн 6-с барилдаж буй Тэрүнофүжи Г.Ган-Эрдэнэ Ёшиказэг давж, 50 хувийн амжилтаа үзүүллээ.

Өнөөдөр Их аварга Хакүхо адил арван даваатай байсан Озэки Котошёогикүг давснаар 11 ялалттайгаар ганцаараа башёг тэргүүлж эхэллээ. Их аварга Хакүхогийн араас арван даваатай Ёкозүна Какүрюү, Озэки Котошёогикү, маэгашира Такаясү нар нэхэж байна. 

Маргааш Их аварга Хакүхо Озэки Кисэносатотой, Ёкозүна Харүмафүжи Ёкозүна Какүрюү нар оноолт таарчээ. Мөн Озэки Котошёогикү хоёр аваргыг даваад байгаа Египетийн Оосүнаарашитай барилдана.

Жюүрёод Ичиножёо А.Ичинноров 11 даваа, нэг унаатай тэргүүлж байгаа бол Гүржийн Точиношин арван ялалттай удаалж байна.

Ч.БОЛ