Тавантолгойг намар шийдэх бололтой | News.MN

Тавантолгойг намар шийдэх бололтой

Хуучирсан мэдээ: 2010.06.30-нд нийтлэгдсэн

Тавантолгойг намар шийдэх бололтой

Тавантолгойг намар шийдэх бололтой

УИХ-ын Эдийн засгийн байнгын хорооны хуралдаан өнөөдөр 14.30 цагаас эхлэх ёстой  байсан ч гишүүдийн ирц бүрдээгүйгээс нэлээд цаг алдсан юм. Эцэст хуралдаан эхэлсэн ч хоёрхон асуудлыг хэлэлцээд өнөөдрийн хуралдааныг дуусгав. Хуралдаанаар Ашигт малтмалын тухай хуульд нэмэлт, өөрчлөлт оруулах тухай, Газрын тухай хуульд нэмэлт оруулах тухай хуулийн төслүүдийн эцсийн хэлэлцүүлгийг хийсэн бөгөөд санал хураалт явуулахад хуралдаанд оролцсон гишүүдийн олонхи нь дэмжив. Харин үүний дараа Газрын  тосны бүтээгдэхүүнийг худалдан борлуулах тухай УИХ-ын  тогтоолын төслийн анхны хэлэлцүүлгийг хийж, уг төслийг дэмжье гэсэн томьёоллоор санал хураалт явуулахад гишүүдийн олонхи дэмжлээ. Уг нь энэ хурлаар Тавантолгойн орд газрын ашиглалтын тухай Засгийн газраас оруулж ирсэн Хөрөнгө оруулалтын гэрээний төслийн анхны хэлэлцүүлгийг хийх,  Банкин дахь мөнгөн хадгаламжид баталгаа гаргах тухай хуульд нэмэлт оруулах тухай хуулийн төслийн хэлэлцэх эсэхийг шийдэх, Оюутолгой ордыг ашиглах хөрөнгө оруулалтын гэрээний тухай УИХ-ын 2009 оны 57 дугаар тогтоолын хэрэгжилтийн талаарх Эрдэс баялаг, эрчим хүчний сайд Д.Зоригт, Сангийн сайд С.Баярцогт, Байгаль орчин, аялал жуулчлалын сайд Л.Гансүх нар мэдээлэл хийх байсан ч бүгд хойшиллоо.

Монгол Улсын эдийн засаг, нийгмийг 2011 онд хөгжүүлэх үндсэн чиглэл батлах тухай УИХ-ын тогтоол, Монгол Улсын Засгийн газрын тухай хуульд өөрчлөлт оруулах тухай хуулийн төслүүдийн анхны хэлэлцүүлэг болон Ашигт малтмалын тухай хуульд нэмэлт оруулах тухай хуулийн төсөл болон Тавантолгойн нүүрсний ордыг ашиглах асуудлаар намын бүлгүүд саналаа нэгтгэх шаардлагатай гэсэн үндэслэлээр эдгээр асуудлыг хэлэлцэхээ хойшлуулжээ.

Одоогийн байдлаар УИХ дахь намын бүлэг тус бүрээс Тавантолгойн асуудлаар ажлын хэсэг гарсан, мөн УИХ-аас бас нэг ажлын хэсэг гарч, гурван ажлын хэсэг хуралдаж байгаа ч нэгдсэн байр суурьт хүрээгүй байна. Гэтэл УИХ-ын хаврын чуулганыг ирэх даваа гаригт хаахаар товлоод байгаа. Тиймээс Ерөнхий сайд С.Батболдын амласанчлан Тавантолгойн ордын хөрөнгө оруулалтын гэрээг батлах асуудал хаврын чуулганыг давж, ирэх намрын чуулганаар шийдэгдэх бололтой.

Б.ЭНХ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

jiriin mongol 2010-06-30 75.205.95.188

ene ih hurliin gishuudiig odoo yaanaa za yaahav shunald avtagdsan huvia nicheesen mongoliinhoo toloo saina yum setgehee bolison urvagch nariig huv zayaa n tedniig shiitgeed eelj eeljeeree zaluugaaraa ood boldog ch eh oron jiriin ard bid n hooson ulam l hezuu oorsdoo eruul agaart huuhduud n gadaadad bidnii ur sad hogshchuul ene hotiin utaand eruul mendee ugui hiij baina hot nogoochilolparkjuulalt bidnii nyalhsuud mongoliin ireedui gedeg uria nuudiig odoo bur martzan ene buhniig haraad nyalh ursiigee l mash ih orovdoh yum

Avatar

zochin 2010-06-30 182.160.41.254

huuramch eh oronchdod Uvur mongol buriadug avchiray gesnees iluu hagas ulsgelun baigaa mongol bagachuuddaa tuslah hudulguun urnuuleech

Avatar

zaluu 2010-06-30 119.197.238.126

umnu govid 1 uurhaigaas hytaduud nuurs zuuj bna gene ter uurhaigaas ulsiin hil hurtel 240 orchim km ym bna ene zamd 3-5 minutiin uechilelteigeer 1500 gariu mashin baylgiig mini hil davuulan zuuj bna uunees bid yu hojih ve jiriin irgen bid sohor zoos ch hojihgui tur zasag mini medej bgaa ch yuch hiij chadahgui odoo bid yah ystoi ve mongolchuudaa

Avatar

mongolchuudaa 2010-06-30 221.186.6.17

hyatadaas uwur mongoloo orosoos buriad halimag tuwagaa ergvvlj awahiin tuld hvchirheg mongoloo hurdan tsogtslooyo oroithoos ni umnu

NewsMN Гар утасны хувилбар Татах
NEWS.mn

Мэдээллийн эх сурвалж