Мэргэжлийн сүмогийн Нагоя башё өндөрлөхөд дөрвөн өдрийн барилдаан үлдлээ. Тэмцээний арваннэг дэх өдрийн барилдаан өнөөдөр болж, тэмцээнийг тэргүүлж байсан Их аварга Хакүхо унаж, Озэки Котошёогикү давлаа.

Энэ өдөр Их аварга Хакүхо сэкивакэ Гоэйдод ялагдаж, Озэки Котошёогикү Харүмафүжиг давснаар тэдний давааны харьцаа адил 10 боллоо. Башёг тэргүүлж буй Хакүхо, Котошёогикү нар маргааш хоорондоо оноолт таарсан байна.

Өнөөдөр Озэки Котошёогикүд ялагдсан Харүмафүжи маргааш Сэкивакэ Гоэйдотой барилдана. Харүмафүжи долоон даваа, дөрвөн унаатай байгаа бол Гоэйдо есөн даваатай тэргүүлэгчдийн ард бичигдэж байна.

Энэ өдөр Какүрюү М.Ананд Такэказэг, Озэки Кисэносато Тамавашиг, Египетийн Оосүнаараши Аойямаг давлаа. Озэки Кисэносато найман даваатай 50 хувийн амжилтаа хийгээд байгаа бол Оосүнаараши таван даваатай башёг үргэлжлүүлж байна. 

Тэмцээний арван нэгэн өдрийн дараах байдлаар Хакүхо, Озэики Котошёогикү нар арван даваа, нэг унаатай тэргүүлж байгаа бол Какүрюү, Сэкивакэ Гоэйдо, маэгашира Такаясү нар есөн даваа, хоёр унаатай тэргүүлэгчдийн араас нэхэж байна.

Их аварга Хакүхо 10-1

Озэики Котошёогикү 10-1

Ёкозүна Какүрюү 9-2

Сэкивакэ Гоэйдо 9-2

Маэгашира Такаясү 9-2 ялалттай тэргүүлж байна.

Ёкозүна Харүмафүжи 7-4

Тэрүнофүжи Г.Ган-Эрдэнэ 7-4

Кёкүшюүхо Т.Эрдэнэбаатар 4-7

Токитэнкү 5-6

Кёкүтэнхо 5-6

Азүмарюү С.Тодбилэг 6-5

Араваши Э.Дөлгөөн 6-5 тус тус даваатай байна.

Жюүрёод Ичиножёо А.Ичинноров Котоюүкиг давснаар арван ялалттай болж, тэмцээнийг ганцаараа тэргүүлж эхэллээ. Түүнтэй адил есөн даваа, нэг унаатай байсан Гүржийн Точиношин өнөөдөр Хомарифид ялагдлаа. Монголын бусад бөхчүүдээс Таканоива А.Баасандорж 9-2, Асасэкирюү Б.Дашням 5-6, Шёотэнро Д.Нямсүрэн 5-6, Сэйро А.Өнөболд 4-7 гэсэн үзүүлэлттэй байна.

Ч.БОЛ