Нөхөр маань гэнэт секс гэхээр дургүйцээд байдаг болчихлоо. Тэр хувцсаа сольж байхад нь харахгүй байхыг бас намайг ямар нэг секс үйлдэл хийхэд дургүйцдэг болсон. Бид секс хийхээ бараг больсон. Би нөхөртэйгөө энэ байдлынх нь талаар ярилцах гэж хичээсэн боловч тэр энэ тухай ярих дургүй байна. Би хийх ёстой вэ ?

Доктор Сузан Гилберг-Ленз зөвлөж байна:

Эхнэр нөхрийн хоорон дахь сексийн харилцаан дахь гэнэтийн өөрчлөлт нь түр зуурынх байдаггүй.  (Энэ тохиолдолд нөхөр чинь хагалгаа хийлгэсэн, нохой нь үхсэн, эсвэл хатгаа авсан байж  болохыг үгүйсгэхгүй. )  Хүмүүс яагаад секс хийх дур хүсэлгүй болдгийг анагаахын үүднээс тайлбарласан хэдэн шалтгаан байдаг. Үүнд цусны даралтыг намдааж, сэтгэл гутралаас гарахын тулд удаан хугацааны турш хэрэглэсэн эм, мансууруулах бодис болон  эмийн ургамал нөлөө үзүүлдэг.  Түүнээс гадна эр хүний бэлгийн чалхад сөргөөр нөлөөлдөг гормоны ховор өөрчлөлт байж мэднэ. Тиймээс эр нөхрөө эрүүл эсэхийг мэдэж , эдгээр эм, бэлдмэлийг хэрэглэдэг үгүйг нь мэдэх нь  зүйтэй. Гэхдээ эр нөхрийнхөө бэлгийн эрүүл мэндэд биш ерөнхий эрүүл мэндэд анхаарах нь чухал.  Нөгөө талаар нөхөр чинь ажил дээрээ стресстэй эсвэл ажилгүй байгаа нь санааг нь зовоож байж болно. Тэр ажил дээрээ нэр хүндээ алдаж, эрүүл мэнд нь сайнгүй байгаа юм биш биз?

Доктор Чарли Гликман зөвлөж байна:

Үүнийг анхаарахгүй орхиж огт болохгүй. Түүний зан ааш ингэж гэнэт өөрчлөгдөж байгаа нь ямар нэг зүйл буруугаар эргэхийн шинж. Түүнд саявтархан эсвэл хэдэн жилийн өмнө тохиолдсон зүйлийн үр дагавар одоо илэрч байж мэднэ. Тухайлбал бэлгийн хүчирхийлэлд өртсөний дараа сексийн дур хүсэлгүй болох үзэгдэл түгээмэл байдаг. Ийм хүчирхийлэлд зөвхөн охид эмэгтэйчүүд өртдөггүй. Хөвгүүд, тэр бүү хэл эрчүүдэд ч ийм зүйл тохиолдох нь бий.

Нөгөө талаар тэр ямар нэгэн зүйлд өөрийгөө буруутгаж, сексээс татгалзахыг хамгаалах арга болгож байж болох  юм. Нууц амрагтай болсон хүмүүс заримдаа ингэх тохиолдол байдаг. Эсвэл өөр зүйл байж ч болно. Таамаг дэвшүүлж өөрийгөө айдсаар хүлэх хэрэггүй. Түүнтэй сайн ярилцах нь хамгийн сайн шийдэл болно.

Доктор Наташа Женина Валдез зөвлөж байна:

Та эр нөхөртөө хайртай, түүнийг урьдын хэвэндээ ороосой гэж хүсч байгаа бол түүнийг тайван байх үед нь хоёулаа энэ тухай сайн ярилцах хэрэгтэй. Түүнд хайртайгаа мөн дотно харьцаанд чинь юу саад болж байгааг хэл. Мөн түүнд чухал зүйл өөрт чинь бас чухал гэдгийг сануул. Хэрэв энэ арга ч тус болохгүй бол мэргэжлийн эмчид хандах хэрэгтэй.

Бэлтгэсэн Н.ЭНХ