Морины бай, бөхийн шагнал, хөшөө дурсгал, суварга босгоход зориулж 500 саяас 5 тэрбум төгрөг зарцуулахаас илүү нутаг орондоо хэн олон ном хандивлах, хэн номын сан барих вэ гэдгээрээ нэрээ мөнхөлж, ялгарцгаая” хэмээн залуучууд уриалж байна.

Энэ жил 125 сумын тэгш ой тохиож байгаа бөгөөд сумын ой тэмдэглэх нэрийдлээр дээрх хэмжээний мөнгийг татан төвлөрүүлээд байгаа талаар “Номтой Нөхөрлөе” клуб Монголын оюутны холбооноос мэдээлэл хийлээ.

Энэ мөнгийг морины бай, бөхийн шагнал, хөшөө дурсгал, суварга босгох, ойн бэлэг дурсгалын зүйлийг Эрээнд захиалж хийлгэхэд зарцуулж байгаа нь харамсалтай байгаа учраас эдгээр залуус ийнхүү уриалж байгаа аж.

Өмнөх жилүүдэд мөн адил сүр дуулиантай ойн баяраа тэмдэглэсэн газрууд өнөөдөр энэ гээд үзүүлчих үлдсэн юмгүй, ядаж л ганц номын сангүй байгаа гэнэ.

Тиймээс энэ жилийн баяр наадмаар энэ жишиг дахин бүү давтагдаасай гэсэндээ энэхүү уриалгыг гаргаж байгаа юм байна.

О.САР