"Оюутолгой” компанид манай улсын татварын байгууллага акт тавьсныг хөрөнгө оруулагчид “Rio Tinto”, “Туркиз Хилл Ресурс” компанийхан хүлээн зөвшөөрөхгүй байгаа. Үүнээс улбаалж тэд төслийн дараагийн шатны ТЭЗҮ-г дахин хойшлуулж магадгүй гэсэн мэдэгдлийг хийсэн билээ. Тэгвэл тус компанийн удирдлагууд Татварын ерөнхий газрын дарга Т.Батмагнайтай дээрх асуудлаар өнөөдөр уулзаж ярилцахаар болжээ.

"Оюутолгой" компани татварын актыг хүлээн зөвшөөрөхгүй бол 30 хоногийн хугацаанд Татварын ерөнхий газрын маргаан таслах зөвлөлд гомдол гаргах эрхтэй гэнэ. Харин “Оюутолгой” компаний зүгээс дээрхи асуудлыг хүлээн зөвшөөрөхгүй бөгөөд 60 хоногийн дотор шийдвэрлэхгүй бол олон улсын арбиртрын шүүхэд хандах бодолтой байгаагаа мэдэгджээ. Гэхдээ энэ талаар хувь нийлүүлэгчид төслийг урагшлуулахын тулд энэ асуудлыг яаралтай шийдвэрлэх хэрэгтэй гэдэг дээр санал нэгджээ.

 О.САРНАЙ