Попын нэрт дуучин, хамгийн дур булаам эмэгтэйгээр удаа дараа шалгарч байсан Kylie Minogue өөрийн хэв маягаа эвдэж, олон шивээс хийлгэжээ. Баруун гарын мөрнөөс шуу хүртэл мөн нурууны голоор том шивээс хийлгэжээ. Түүний энэхүү шивээс ямар утга учиртайг тэрбээр хараахан тайлбарлаагүй байна.
Өдгөө 42 настай дуучин бүсгүй анх урлагийн ертөнцөд хөл тавихдаа цэвэрхэн арьс, гоолиг биеэрээ гайхагдаж байсан бол түүний шинэ имиж фэнүүдэд нь төдийлэн таалагдсангүй болтой.
Хөхний хорт хавдар тусан, карьераа түр орхиод байсан дуучин энэ онд өөрийн цомгоо гарган, тоглолтуудаа ч ар араас нь хийхээр төлөвлөж буй тухайгаа ярьсан. Харин түүний энэхүү эргэн ирэлт шоу ертөнц дэх өөрийн байр сууриа эргүүлэн олж авч, амжилт авчирна гэдэг нь эргэлзээтэй байна. Ямартай ч тэрбээр хуучин Kylie Minogue биш болжээ.

Н.Наран