Дэлхийн аварга шалгаруулах хөлбөмбөгийн тэмцээн ид дундаа. Бөмбөрцгийн хүн төрөлтний эв нэгдлийн бэлгэ тэмдэг болсон эл наадам 20 дахь удаагаа болж буй. Тэмцээний бүх цаг үеийн түүхэнд өрсөлдөгч багийнхаа хаалганд хамгийн олон гоол оруулсан “мэргэн бууч”-ийн жагсаалтыг Бразилийн домогт хөлбөмбөгч Рональдо тэргүүлдэг. Тэрбээр 1998 онд 4, 2002 онд 8, 2006 онд 3, нийт 15 гоол хийсэн байдаг. Түүний энэ амжилтыг Германы Мирослав Клозе энэ өдрүүдэд давтаад байна. Клозе 2002 онд 5, 2006 онд 5, 2010 онд 4 гоол хийгээд байсан бол 2014 оны дэлхийн аварга шалгаруулах тэмцээнээр буюу одоогоор 1 гоол хийснээр 15 гоолтой боллоо.

“Мэргэн бууч”-ийн жагсаалтын гуравт Германы Герд Мюллер бичигддэг. Мюллер 1970 онд 10, 1974 онд 4, хийт 14 гоол хийсэн байдаг.

Уран хайчилбарыг Ц.ГАЛБАДРАХ