Дэлхийн аварга шалгаруулах тэмцээний H, G хэсгийн сүүлийн тоглолтууд Улаанбаатарын цагаар баасан гаригийн өглөө болж, шөвгийн 16 баг бүрэн тодорсон. Тэдний дунд Ази тивийн төлөөлөл дөрвөн багаас хараахан багтаж чадаагүй. Харин хэдэн дэлхийн аварга цолыг хүртсэн багууд үлдэв.

Өдгөө шөвгийн 16-д үлдсэн багуудаас дэлхийн аварга цолыг хүртсэн таван баг анхаарлын төвд байна. Тэдэн дунд дэлхийн таван удаагийн аварга Бразил, гурван удаагийн аварга Герман, хоёр удаагийн аварга Аргентин, Уругвай, нэг удаагийн аварга Францын шигшээ багууд аваргуудыг хамгаалж үлдсэн. Сонирхолтой нь дээрх аваргуудаас Аргентинаас бусад нь шөвгийн наймд таарах магадлалтай. Өнөө шөнө болох тоглолтод Бразил Чилийг, Уругвай Колумбийг хожсон тохиолдолд хагас шигшээд үлдэх эрхийн төлөө тоглох юм. Мөн даваа гаригийн шөнө болох тоглолтод Франц Нигерийг, Герман Алжирийг хожсон тохиолдолд шөвгийн наймд учраа таарна. Дэлхийн хоёр удаагийн аварга Аргентиний хувьд Швейцарийн багтай оноолт таараад байна.

Дэлхийн дөрвөн удаагийн аварга Итали, Англи болон отгон аварга Испаний шигшээ багийн эзгүйд үед дэлхийн аваргууд аварга цолоо нэмэх үү эсвэл Чили, Нигери, Нидерланд, АНУ цойлох уу гэдэг асуулт л үлдлээ.

Ч.БОЛ