Улс төрийн зарим албан тушаалтныг төрийн албанд шилжүүлж байгаатай холбогдуулж, хөдөө орон нутагт ИТХ-ын нөхөн сонгууль болж байна. Дундговь аймгийн ИТХ-ын нөхөн сонгууль дөрвөн тойрогт болж өнгөрчээ. Сайнцагаан, Адаацаг, Эрдэнэдалай, Дэлгэрхангай, Гурвансайхан, Цагаандэлгэр зэрэг найман суманд Ардчилсан намаас нэр дэвшигч ялжээ. Харин Өлзийт, Хулд суманд сонгогчдын ирц хүрээгүйн улмаас сонгууль хүчингүй болоод байгаа бөгөөд Сайнцагаан сумын таван тойрогт болсон нөхөн сонгуулийн гуравт нь Ардчилсан намын нэр дэвшигчид сонгогчдын итгэл хүлээсэн байна.

Энэ сарын 27-ны өдөр болсон сонгуульд Сайнцагаан, Дэлгэрхангай, Гурвансайхан, Говь-Угтаал сумдад тус аймгийн Гурвансайхан сумын Засаг даргын орлогч, сумын Ардчилсан намын дарга Л.Өлзийбат, Говь-Угтаал сумын Ардчилсан намыын дарга Т.Ариунаа нар ялалт байгуулжээ.

Ардчилсан намын “Анхан шатаа сонсох аян” хөдөө орон нутгаар буухиалан өдгөө Баян-Өлгий аймагт хүрээд байна. Энэ хугацаанд иргэд, дэмжигчид тус аяныг ихэд талархан хүлээн авч, аяны үр дүнд Дундговь аймгийн иргэд Ардчилсан намд итгэл үзүүлэн, хоёр сумын ИТХ-ын нөхөн сонгуульд ялалт байгуулаад байгаа талаар аймгийн Ардчилсан намаас мэдээллээ. 

                            Д.ОЮУН