Аюулгүй байдал, гадаад бодлогын байнгын хорооны хуралдаанаар нийт зургаан асуудал хэлэлцэх ёстой байсан боловч Тэсэрч дэлбэрэх бодис, тэсэлгээний хэрэгслийн тухай хуульд нэмэлт, өөрчлөлт оруулах тухай хуулийн төсөл, Дэлбэрэх бодис, тэсэлгээний хэрэгслийн эргэлтэд хяналт тавих тухай хуулийн шинэчилсэн найруулгын төсөл зэрэг асуудлыг санаачлагч гишүүд нь хуралд танилцуулах танилцуулгаа бэлэн болгоогүйн улмаас ирэх долоо хоног хүртэл хойшлуулах санал тавьсны дагуу дээрхи хоёр асуудлыг хэлэлцэхийг хойшлууллаа.

Харин үндэсний аюулгүй байдлын үзэл баримтлал батлах тухай Улсын Их Хурлын тогтоолын төсөл хэлэлцэх эсэх асуудлыг хаалттай хэлэлцэхээр боллоо. Байнгын хороо хаалттай хуралдаж байна.

Б.Сүх