Испаний нэрт теннисчин Рафаэль Надаль "Уимблдон"-ы эхний тойргийн тоглолтод Словакийн Мартин Клизаныг 4:6, 6:3, 6:3, 6:3-ийн харьцаагаар хожиж, карьерийнхаа 700 дахь ялалтаа авлаа.

"Их дуулга"-ын 14 түрүүт, дэлхийн манлай теннисчин Рафаэль Надаль ийнхүү карьерийн туршид үзүүлж буй хожлынхоо амжилтаар 11-т бичигдлээ. Өдгөө тоглож буй шилдэг теннисчдээс Швейцарийн Рожер Федерер 958 ялалт авсан амжилтаар гуравт бичигдэж байна.

"Их дуулга"-ын найман түрүүт АНУ-ын Жемм Коннорс 1253 ялалтаар тэргүүлж байгаа бол АНУ-ын Пит Сампрас 762 ялалтаар IX байрт бичигдэж буй.

Шороон талбайн хаан Рафаэл Надаль энэ сарын эхээр өндөрлөсөн "Роллан Гаррос"-т түрүүлж, "Их дуулга"-ын 14 дэх түрүүгээ хүртсэнээр алдарт Пит Сампрасын амжилттай зэрэгцэж ирсэн.

Ч.БОЛ