Монгол Улсын ардын багш, гавьяат дасгалжуулагч Д.Бандийн нэрэмжит өсвөрийн улсын аварга шалгаруулах "Олимпын гараа" тэмцээн 31 дэхь жилдээ болох гэж байна.

Тэмцээн 11-12 нас,13-14 насны ангиллаар 22 жинд болно.

Тэмцээний хуваарь:

Зургадугаар сарын 23, 24, 25, 26-нд урьдчилсан тулаан

Зургадугаар сарын 28-нд хагас шигшээ тулаан

Зургадугаар сарын 29-нд шигшээ тулаан

Тэмцээн Спортын төв ордны "А" зааланд зургадугаар сарын 23-29-ны өдрүүдэд12:00 цагаас болно. 2014 оноос эхлэн “Олимпын гараа” тэмцээн улсын аварга шалгаруулах тэмцээн болон өргөжиж байна.

Мөн Монгол Германы  хооронд дипломат харилцаа тогтоосны 40 жилийн ойг тохиолдуулан хоёр орны боксчдын халз тулаан зургадугаар сарын 27-нд 17:00 цагаас Монгол шилтгээн цогцолборт болохоор тов гарсан байна.

Халз тулаанд Монгол, Германы боксчид долоон жинд өрсөлдөнө.

Б.БИЛЭГ