Монголын тулааны спортын мастеруудын нэг М.Нандин-Эрдэнэ зургадугаар сарын 27-нд БНХАУ-ын Кунфугийн од, Шао Лин сүмийн лам Ё Лонгтой тоглоно. Энэхүү тулаан Жиансу мужийн Янгжоу хотын спортын ордонд болох юм. Манай тамирчин М.Нандин-Эрдэнэ мэргэжлийн рингэнд 10 тулааныг хийж есөн удаа өрсөлдөгчөө ялсан юм. Түүний өрсөлдөгч Ё Лонг өнгөрсөн гуравдугаар сард БНХАУ-ын Ханжоу хотноо болсон халз тулаанд манай тамирчин Э.Батбаярыг оноогоор хожсон юм. Харин зургадугаар сарын 27-нд М.Нандин-Эрдэнэ монголчуудын хариуг авах тулааныг хийх юм.

Б.БИЛЭГ