Английн Бирмингем хотноо WTA World Tour 250 ангилалд багтах "2014 Aegon International" тэмцээн эхэллээ. 700 мянган ам.долларын шагналын сантай тус тэмцээний аварга ирэх бямба гаригт тодрох юм.

Бэртлийн улмаас Францын "Их дуулга" болох "Ролан Гаррос"-ыг өнжөөд байсан Беларусын Виктория Азаренка "Aegon International" тэмцээнд оролцож байна. Тэмцээнд дөрөвт эрэмбэлэгдэн тоглож буй Азаренка эхний тойрогт Италийн Камила Гёоржитой оноолт таарчээ.

Тэмцээнийг тэргүүлэн тоглосон Польшийн Агнешка Радваньска ОХУ-ын Анастасиа Павлючинковад ялагдсанаар тэмцээнийг орхилоо. Шилдгүүдээс Германы Кербер, Францын Ализе Корнет, Данийн Каролина Возняцки нар эхний учраагаа буулган авснаар шөвгийн 16-д шалгараад байна.

Ч.БОЛ