Английн шигшээн дасгалжуулагч Рой Хожсон Италид хожигдсоны дараа хөгжөөн дэмжигчдэдээ “Шигшээ багаа хүндэлж, дараагийн тоглолтуудад хожно гэдэгт итгэлтэй бай” гэдгийг санууллаа. Англи “үхлийн” буюу D хэсэгт сугалаа татсан. Эхний тоглолтоо хэзээ ч хожиж байгаагүй Италитай хийж, 2:1-ийн харьцаатай хожигдсон юм.

Английн шигшээн дасгалжуулагч Рой Хожсон,

-Бид ДАШТ-ийг сайн эхлүүлэхээр талбайд гарсан. Гэвч зорилгодоо хүрч чадсангүй. Гэхдээ бүх зүйл дуусчихаагүй байна. Бид дараагийн шатад шалгарахын тулд дахин хоёр тоглолт хийнэ. Үлдсэн хоёр тоглолтдоо сайн үр дүнтэй дуусгах болно гэжээ.

Харин багийн ахлагч Стивен Жеррард,

-Итали бол сайн баг. Бид чадах бүхнээ хийсэн ч зорьсон үр дүндээ хүрч чадсангүй. Мэдээж эхний тоглолтдоо хожигдсон болохоор хүнд байна. Гэвч бид сэргэж, Уругвайг заавал хожих ёстой гэжээ.

Б.БИЛЭГ