2014 оны хөлбөмбөгийн дэлхийн аварга шалгаруулах тэмцээний С хэсгийн Колумб болон Грек, D хэсгийн Уругвай болон Коста Рикагийн тоглолт өнөө шөнө болно.

С хэсэг 2014 оны ДАШТ-ий хамгийн сулхан, хөлбөмбөгийн хөгжөөн дэмжигчдийн хэлдэгчлэн амьдралын хэсэгт тооцогдоно. Амьдралын хэсэгт дэлхийн аваргад хоорондоо нэг ч тоглож байгаагүй, дэлхийн аваргад хамгийн амжилт муутай оролцсон Грек, Колумб, Кот дИвори, Япон гэсэн орнууд сугалаа татсан. Гэсэн ч энэ хэсэгт Ази, Африкын шилдэг хоёр баг дээр, бүрэлдэхүүний хувьд илт сайжирсан Грек орж хэсгээс гарах таамгийг ярвигтай болгож байгаа юм. Үндсэндээ бол энэ хэсэгт жинхэнэ ширүүн өрсөлдөөн өрнөнө.

Мөн D хэсэгт Уругвай, Итали, Англи гэсэн дэлхийн шилдгүүд багтсан юм. Тиймээс өнөө шөнө болох тоглолтуудаарАмьдралын болон үхлийн хэсгийн өнгийг тодорхойлох эхлэл тавигдах болно.

КОЛУМБ – ГРЕК

Хэзээ: 00:00 цагаас.

Хаана: Минейран /Белу Оризонти хот/. 62547 суудалтай.

Шүүгч: Марк Гэйгер /АНУ/

Талбайн захын шүүгч: Марк Хюрд /АНУ/, Жое Флетчер /Канад/

Дөрөв дэх шүүгч: Алиреза Фагани /Иран/

Колумбын шигшээ гол довтлогч Фалкао нь гэмтэж, ДАШТ-д өндөр амжилт гаргах боломж нь багассан. Гэсэн ч Колумбийн шигшээ багийн бүрэлдэхүүн сайжирч, дасгалжуулагчаар нь Аргентины алдарт мэргэжилтэн Хосе Пэкерман ажиллаж байна. Пэкерман бол Аргентины өнөө цагийн бүхий л одуудыг гарч ирэх замыг нь зассан гавьяатан. Сүүлийн хоёр жилийн Өмнөд Америкын шилдэг дасгалжуулагч хэмээх эрхэм хүндтэй шагналыг аваад байна.

Харин Грекийн шигшээ 2004 онд хамгаалалтаараа Европ тивийн аварга болсон. Энэ сайн хамгаалалтын уламжлалаа алдалгүй 10 жил боллоо.Ямар ч багтай тоглохдоо Грекчүүд тун сайн хамгаалж чаддагаараа алдартай. Колумб, Грек өмнө нь хоорондоо тоглож байгаагүй. Өнөөдрийн тоглолтод Колумбийн шигшээ багийн чадварлаг хагас хамгаалагч Фредди Гуарен тоглолхгүй. Гуарен ДАШТ-ий сонгон шалгаруулалтын сүүлийн тоглолтод улаан хуудас авсан юм.

Колумбын гарааны тоглогчид /Урьдчилсан байдлаар/:

Хаалгач: Давид Оспина

Хамгаалагч: Кристиан Сапате, Марио Иепес, Хуан Зунига, Пабло Армеро

Хагас хамгаалагч: Карлос Санчес, Жексон Мартинес, Абель Агуилар

Довтлогч: Теофило Гутиеррес, Жэймс Родригес, Хуан Куадрадо

Грекийн гарааны тоглогчид /Урьдчилсан байдлаар/:

Хаалгач: Орестис Карнезис

Хамгаалагч: Сократис Папастадополос, Вангелис Морас, Василис Торосидис, Жозе Холебас

Хагас хамгаалагч: Гиоргос Карагунис, Александрос Циолис, Гианнис Маниатис 

Довтлогч: Костас Митроглу, Гиоргос Самарас, Теофанис Гекас

УРУГВАЙ – КОСТА РИКА

Хэзээ: 03:00 цагаас.

Хаана: Пантана /Куяба хот/. 42968 суудалтай.

Шүүгч: Феликс Брых /Герман/

Талбайн захын шүүгч: Марк Борч, Стефан Люпп/хоёул Герман/

Дөрөв дэх шүүгч: Виктор Каррилло /Канад/

1930, 1950 оны дэлхийн аварга Уругвайн шигшээ тун хүчирхэг бүрэлдэхүүнтэй оролцож байна. Мөн олон улсын чанартай тэмцээн сүүлийн жилүүдэд тогтмол дээгүүр амжилт гаргаж байгаа юм. Өнөө цагийн дэлхийн шилдэг довтлогч Луис Суарес, Эдинсон Кавани нар ямарч багийн хамгаалалтыг сэтлэх чадвартай. Уругвай 2011 онд Америк тивийн аварга болж, 2013 онд Олон улсын хөлбөмбөгийн холбооны “Холбооны цом” буюу /Confederence cup/тэмцээнд Италид торгуулийн цохилтоор хожигдсон юм. Уругвай, эхний тоглолтоо Коста Рикатай хийх сайн хуваарьтай байна. Магадгүй Уругвай шилдэг тоглолт үзүүлж, Европ тивийн Англи, Италийн шигшээ багийг тэмцээний хэсгийн шатнаас хасах боломж байна. Уругвайн шигшээ багийн дасгалжуулагч Оскар Табарес өнөө шөнийн тоглолтод Луис Суаресийг оролцохгүй гэдгийг албан ёсоор мэдэгдээд байна.

Харин Уругвай, Итали, Англи гэсэн том багуудтай өрсөлдөх Коста Рика маш зөв тактик барин тоглох ёстой. Дэлхийн “томчуудад” Коста Рика ямар гэнэтийн бэлэг бэлдсэнийг өнөө шөнө сонирхъё.

Колумбын гарааны тоглогчид /Урьдчилсан байдлаар/:

Хаалгач: Муслера

Хамгаалагч: Диего Лугано, Мартин Касерес, Диего Годин, Макси Переира

Хагас хамгаалагч: Гастон Рамирес, Эгидио Арева,Уолтер Гаргано, Кристиан Родригес,

Довтлогч: Эдинсон Кавани, Диего Форлан

Коста Рика гарааны тоглогчид /Урьдчилсан байдлаар/:

Хаалгач: Кэйлор Навас

Хамгаалагч: Жанкарло Гонзалес, Оскар Дуарте, Мичель Умана, Даюид Мырие

Хагас хамгаалагч: Селсо Борогес, Хосе Куберо, Брайан Руис, Хуниор Диас

Довтлогч: Жоел Кэмпбэлл, Марко Урена

Б.БИЛЭГ