2014 оны хөлбөмбөгийн дэлхийн аварга шалгаруулах тэмцээний А хэсгийн Мексик болон Камерун, В хэсгийн Испани болон Нидерланд, Чили болон Австралийн шигшээ багийн гурван тоглолт өнөө шөнө болно. Эдгээрээс тоглолтуудаас 2010 оны хөлбөмбөгийн ДАШТ-ий алтан медалийн төлөө өрсөлдөж байсан Испани, Нидерландын шигшээн тоглолт онцгойрох болно. В хэсгийн аль улсын шигшээ тэргүүлэх вэ? Өнөө шөнө 03:00 цагаас /Улаанбаатарын цагаар/ эхлэх Испани, Нидерландын тоглолт ерөнхийдөө шийдвэрлэнэ.  Ингээд өнөө шөнө болох гурван тоглолтын эргэн тойрны мэдээллийг хүргэе.

МЕКСИК – КАМЕРУН

Хэзээ: 00:00 цагаас.

Хаана: Арена дас Дунас /Натал хот/. 42623 суудалтай.

Шүүгч: Уилмар Ролдан /Колумб/

Талбайн захын шүүгч: Хумберто Клавихо, Эдуардо Диас /хоёул Колумб/

Дөрөв дэх шүүгч: Норберт Хауата /Тахити/

ДАШТ-ийг зохион байгуулагч Бразилийн шигшээг даган хэсгийн хоёрдугаар байрын төлөө Хорват, Камерун, Мексик өрсөлдөнө. Мексик, Камерун хоёр олон улсын чанартай томоохон тэмцээнд сүүлийн үед таараагүй юм. Олон улсын хөлбөмбөгийн холбоо чансаа ойролцоо учир нь тоглолтын үр дүнг эртлэн таамаг дэвшүүлэх боломжгүй.

Мексикийн шигшээн сүүлийн таван тоглолтын дүн:

АНУ 2-2 Мексик

Мексик 3-0 Израиль

Мексик 3-1 Эквадор

Мексик 0-1 Босни Герцеговин

Мексик 0-1 Португал

Камеруны шигшээн сүүлийн таван тоглолтын дүн:

Португал 5-1 Камерун

Македон 0-2 Камерун

Камерун  1-2 Парагвай

Герман 2-2 Камерун

Камерун 1-0 Молдав

Мексикийн шигшээ ДАШТ-ий өмнөх нөхөрсөг тоглолтууддаа тун жигд амжилтыг үзүүлжээ. Мексикийн хамгаалалт тун сайн байгаа нь Португалийн шигшээтэй хийсэн сүүлийн нөхөрсөг тоглолтын үеэр харагдсан. Мексикийн шигшээн бүрэлдэхүүнд 35 настай, хашир туршлагатай Рафаель Маркес багтсан байгаа. Харин Камерун Африк тивийн багуудын нэгэн адил тун тогтворгүй тоглолтыг үзүүлсэн байна. Португалд 5:0-ийн харьцаатай бут ниргүүлж, хүчирхэг Германтай 2:2-ын харьцаатай тэнцсэн байх жишээтэй.

Мексикийн гарааны тоглогчид /Урьдчилсан байдлаар/:

Хаалгач: Гуильерма Очоа

Хамгаалагч: Рафаель Маркес, Хавиер Родригес, Пол Агуилар, Хектор Морено, Мигель Лаюн

Хагас хамгаалагч: Андрес Гуардадо, Хуан Васкес, Хектор Эррера

Довтлогч: Жиованни дос Сантос, Орибе Пералта

Камеруны гарааны тоглогчид /Урьдчилсан байдлаар/: 

Хаалгач: Чарлес Итандже

Хамгаалагч: Никола Н’Колоу, Жоел Матип, Хенри Бедимо, Седрик Жеугуе

Хагас хамгаалагч: Алекс Сонг, Эёонг Эно, Стефан МБиа

Довтлогч: Самуэль Эту, Максим Чопо-Мотинг, Бенжамин Моуканжа

ИСПАНИ – НИДЕРЛАНД

Хэзээ: 03:00 цагаас

Хаана: Арена Фонте-Нова /Салвадор хот/. 56500 суудалтай.

Шүүгч: Никола Риззоли /Итали/

Талбайн захын шүүгч: Ренато Фаверани, Андреа Стефани /хоёул Итали/

Дөрөв дэх шүүгч: Свеин Моен /Норвеги/

2010 оны ДАШТ-ий алтан медалийн төлөө өрсөлдсөн Испани, Нидерландчууд хэсгийн шатанд сугалаа таарлаа. Дөрвөн жилийн өмнө Испаничууд Нидерландыг 1:0-ийн харьцаатай хожиж, “Алтан дагина” цомыг өргөсөн. Харин Нидерландчууд “дурсгалын” мөнгөн медалийн эзэд болсон.

Испани, Нидерландууд 2014 оны ДАШТ-д түрүүлэх багийн тоонд зүй ёсоор тооцогдоно. Түрүү хүртэхийн төлөөх тулаанаас өмнө хэсгээсээ нэгдүгээр байраар гарахын төлөө ширүүн тэмцэлдэнэ. Учир нь хоёрдугаар байраар шалгарсан баг тэмцээнийг зохион байгуулагч Бразилийн шигшээтэй учраа таарах магадлал маш өндөр. Ер нь бол Испани, Нидерланд, Чили, Австрали улсууд багтсан В хэсгийн хоёрдугаар байраар шалгарсан баг Бразильтай таарна. Тиймээс В хэсэгт жинхэнэ “гал гарсан” тоглолтууд өрнөнө. В хэсгийнхэн өнөө шөнө эхний тоглолтоо хийж, өнгөө тодорхойлно.

Испанийн гарааны тоглогчид /Урьдчилсан байдлаар/: 

Хаалгач: Икер Касильяс

Хамгаалагч: Хави Мартинес, Серхио Рамос, Хорди Алба, Сецарь Азпиликута

Хагас хамгаалагч: Андрес Иниеста, Шави, Серхио Бүскетс, Шаби Алонсо, Давид Сильва

Довтлогч: Диего Коста

Нидерландын гарааны тоглогчид /Урьдчилсан байдлаар/: 

Хаалгач: Яспер Силлессен

Хамгаалагч: Рон Влаар, Стефан де Вриж, Дарыл Янмаат, Бруно Мартинс Инди, Далей Блинд

Хагас хамгаалагч: Уэсли Снайдер, Найжель де Ионг, Жорди Класие

Довтлогч: Робин ван Перси, Ариен Роббен

ЧИЛИ – АВСТРАЛИ

Хэзээ: 06:00 цагаас

Хаана: Арена Пантанал /Куяба хот/. 42968 суудалтай.

Шүүгч: Дисайр Доуе /Кот дИвори/

Талбайн захын шүүгч: Сонгуифоло Ео,  Жан Клод Бирумушаху /хоёул Кот дИвори /

Дөрөв дэх шүүгч: Роберто Морено  /Панам/

Чилийн шигшээ баг 2014 онд хамгийн хүчирхэг бүрэлдэхүүнтэй оролцож байна. Довтлогч Алексис Санчес, хагас хамгаалагч Артура Видаль энэ ДАШТ-д Чилийн шигшээд дэлхий нийтэд таниулах зорилготой. Гэвч маш хатуу сугалаа татсан. Европи тивд сүүлийн жилүүдэд босоо байгаа Испани, Нидерландын багтай В хэсэгт сугалаа таарсан.

Б.БИЛЭГ