100 буудалт даамын Ази тивийн аварга шалгаруулах тэмцээн Тайландын Бангкок хотноо өчигдөр эхэллээ.

Өсвөр, залуучууд, насанд хүрэгчдийн ангилалд болж буй 2014 оны Азийн аварга шалгаруулах тэмцээн энэ сарын 15-нд өндөрлөнө. БНХАУ, Монгол, Тайланд, Узбекстан, Казахстан зэрэг улсын шилдэг тамирчид Азийн аваргын цолны төлөө өрсөлдөж байна.

Тэмцээний хуваарийн дагуу эхний өдрүүдэд түргэн тоглолтын охид, хөвгүүд, насанд хүрэгчдийн ангилалын тэмцээн болж, аваргууд тодорно.

Үндсэн төрлийн насанд хүрэгчдийн ангилалд түрүүлсэн тамирчид 2015 оны дэлхийн аварга шалгаруулах тэмцээнд оролцох эрхийг авах билээ. Манай улсаас эрэгтэйчүүдийн төрөлд ОУХМ Д.Эрдэнэбилэг, ОУХМ М.Ганжаргал, эмэгтэйчүүдэд спортын дэд мастер М.Одгэрэл, спортын мастер Г.Амгалан, спортын мастер Б.Нандинцэцэг нарын шилдэг тамирчид оролцож байна. Тэмцээний үндсэн төрлийн аваргууд ирэх ням гаригт буюу зургаадугаар сарын 15-нд тодорно.

Ч.БОЛОР

Тэмцээний фотог www.facebook.com/asiandraughts2014-с үзнэ үү.