Үндэсний их баяр наадмын хурдан морины уралдааны замыг өөрчлөх тухай яригдаж байгаа гэсэн мэдээлэл бий. Ингэхдээ 361-ийн гарамаас гарч уралдсан морьд Цагаан давааны наанаас буцаж эргэн, Хүй долоон худагийн морь барианы газарт барианд ордог байдлаар өөрчилж, Цагаан давааны наад талаас тойрох нь нас насандаа өөр байх тухай яригдаж байгаа гэдгийг “Монгол наадам” цогцолборын дэд дарга хэлж байсан юм.

Харин ММСУХ-ны Ерөнхий нарийн бичгийн дарга П.Сэргэлэнгээс энэ талаар тодруулахад “Наадмын хурдан морины замыг өөрчлөх, солих ямар ч шалтаг, шалтгаан байхгүй. Тийм зүйл болохгүй. Хэдэн зууны туршид өвөг дээдсээсээ уламжлан ирсэн хурдан морины уралдааны нэг онцлог нь тойрог замд бус шулуун замд уралдаж ирснээрээ онцлог” гэсэн хариулт өглөө.  

Д.БҮҮВЭЙ