УИХ-ын гишүүн Л.Энх-Амгалан Улаанбаатар-Хөвсгөлийг холбох замын ажлын гүйцэтгэгч компаниудын төлөөллүүдийг Төрийн ордонд хүлээн авч уулзлаа. Уулзалт Зам тээврийн яамны Стратеги, бодлого төвлөлтийн газрын дарга Д.Онон оролцож Хөвсгөл аймагт баригдаж байгаа авто зам, гүүрийн аажлын явц, тулгамдаж байгаа асуудлын талаар мэдээлэл хийсэн юм. Олон жил ажил нь удааширсан Кувейтын сангийн хөрнгөөр баригдаж байгаа Уньт-Тариалангийн 88 км авто замын ажил эзэнтэй болж “НКВ” ХХКомпани гүйцэтгэж эхэлжээ. Тус компанийн зүгээс ажлын явц 33 хувьтай. 2014 онд барьж дуусгах төлөвлөгөөтөй ажиллаж байгаа талаар ярьлаа. Мөрөн-Тариалангийн замыг барихаар 4 компани шалгарч 2014 онд дуусгахаар замын ажлуудыг эрт эхлүүлжээ.

Тариалан-Их-Уул чиглэлийн 32 км-ийн авто замыг барьж байгаа “Хотгор зам” компани Тээлийн дөрөлжөөс-Хөндлөнгийн дөрөлж хүртэлх замыг тавьж байгаа бөгөөд одоогийн байдлаар замын ажил 68 хувьтай, далангийн хучилт 90 гаран хувьтай, ирэх 7 дугаар сарын 10 гэхэд барьж дуусгахаар ажиллаж байгаа юм. Мөн энэ компани Аймгийн төвд 2,8 км авто замыг ашиглалтад оруулахаар ажиллаж байна. Их Монгол Барилга ХХК нь Их-Уул-Тариалангийн 25 км замыг үргэлжүүлэн барьж байгаа бөгөөд замын ажлын явц сайн байгаа талаар мэдээллээ. УИХ-ын гишүүн Л.Энх-Амгалангийн зүгээс зам барьж байгаа компаниуд Тухайн сум орон нутгийн иргэдээс ажиллах хүч авах талаар тавьсан асуултад Их-Уул сумаас 20-иад хүнийг ажлуулж байгаа. Энэ хүмүүсийг доод тал нь 600.0-700., мянган төгрөгөөр цалинжуулж байгаа гэж Их Монгол Барилга, Пикдеволемент компанийхан хариуллаа. Өнгөрсөн намар ашиглатад орсон 79 км автозамыг “НКВ” ХХКомпани гүйцэтгэсэн бөгөөд одоо болтол Улсын комисс хүлээж аваагүй байна.

Замын компаниудын зүгээс сүүлийн үед валютын ханш өсч байгаагаас замын компаниуд алдагдал рүлээх нөхцөл байдал үүсээд байгааг хэлж, Улсын төсвийн хөрөнгөөр зам барьж байгаа компаниудыг эрсдэлд оруулж болохгүй гэдэг байр суурьтай байгаагаа УИХ-ын гишүүн Л.Энх-Амгалан илэрхийллээ.

Б.БАТ