Дэлхийн хамгийн олон үзэгчтэй хөлбөмбөгийн Дэлхийн аварга шалгаруулах тэмцээн /ДАШТ/ эхлэхэд ердөө хоёрхон долоо хоногийн хугацаа үлдлээ. ДАШТ-ийг албан ёсны эрхтэйгээр Монголд хүргэх ETV телевизийн үзэгчид хэдийнэ хөлбөмбөгөөр амьсгалж, Монголын урлаг, спорт, улс төрийн салбарынхны оролцсон “Пеналти” нэвтрүүлгийг шимтэн сонирхож байгаа гэдэгт найдаж байна.

Олимпийн аварга Э.Бадар-Ууган, Дэлхийн аварга Х.Цагаанбаатар, Гавьяат тамирчин О.Пүрэвбаатар, Н.Баярсайхан, Ц.Цогтбаяр, сумоч Коорюү Э.Мөнх-Оргил нарын алдартай тамирчид энэхүү спортын цэнгээнт нэвтрүүлэгт оролцож байгаа бол урлагийн салбараас жүжигчин Тэмка, “Шар айраг” хамтлагийн Г.Ганхүү нарын сонирхолтой өрсөлдөгчид “Пеналти”-д хөлбөмбөгийн авьяас, чадвараа сорьж байна.

Өнөөдөр хасагдах шатны хоёр дахь тоглолт эхэлж байгааг дуулгая. Өнөөдрийн нэвтрүүлгээр та олимпийн аварга Э.Бадар-Ууган, сумоч Коорюү Э.Мөнх-Оргил нарын хэн ялахыг хүлээн авч үзэх боломжтой. Нэвтрүүлгийг 23.00 цагаас ETV телевизээр хүлээн авч үзээрэй.

Нэвтрүүлгийг үлэмжийн чанар “Боргио”, Герман чанар “Фолксваген”, “KFC sogood”, залуусын сонголт “Пепси” брэнд ивээн тэтгэн, ажиллаж байна. Нэвтрүүлгийн талаарх дэлгэрэнгүй мэдээллийг penalty&stars фэйсбүүк хуудаснаас сонирхоорой.

Б.ЭНХ