Монголын оюун ухааны академийн тамирчид Филиппин улсын Манила хотод болох Олон улсын нээлттэй тэмцээнд оролцохоор өнөөдөр эх орноосоо мордлоо. Энэ сарын 31-ээс ирэх сарын 1-ний хооронд болох нээлттэй тэмцээн тус академийн гурван тамирчин оролцох аж.

Тэмцээнд ой тогтоолтын их мастер С.Цогбадрах, улсын аварга Т.Энхжин, улсын аварга Э.Энхмөнх нарын тамирчид, дасгалжуулагч Б.Баасандоржийн хамтаар оролцох бол шүүгчээр Х.Хатанбаатар ажиллах аж.

Энэ оны улсын аварга болох Т.Энхжин, Э.Энхмөнх нарын тамирчдын хувьд олон улсын тэмцээнд анх удаагаа оролцох гэж байна.

Монголын оюун ухааны академийн захирал, багш Х.Хатанбаатарын хувьд ой тогтоолтын олон улсын шүүгчийн 2-р зэргийг аваад байна.

Ч.БОЛОР