Спортын бэлтгэлийн төвийн Биеийн тамир, спортын алба, Үндэсний спортын холбоодтой хамтарч Багануур дүүргийн Инженер техникийн тусгай 0252-р ангид Үндэсний спортын V их наадмыг зохион байгуулах ажлын хүрээнд үндэсний спортыг сурталчилах, түгээн дэлгэрүүлэх өдөрлөгийг өнгөрсөн амралтын өдрүүдэд амжилттай зохион байгууллаа.

Уг өдөрлөгт үндэсний бөх, сур, шагайн холбоод болон Багануур дүүрэг дэх салбар холбоод идэвхитэй оролцож, төрлүүдээ сурталчлан таниулж, бэсрэг наадам хийсэн байна.

0252-р ангийн цэрэг дайчид, офицер ахлагч нар үндэснийхээ спортын талаар мэдлэг хуримтлуулж өв соёл, зан заншилтай танилцаж, нэг өдрийг өнгөрүүллээ.

Б.ЭНХ