“Театр хүүхдийн ирээдүй” олон улсын их наадам өнөөдөр Улсын драмын эрдмийн театрт 15 цагаас эхлэнэ. Уг наадамд ОХУ-ын Буриад, Казахстан, Япон, БНХАУ, Герман, БНСУ зэрэг орны урлагийн байгууллага, хүүхэлдэйн театр, хүүхдэд зориулсан бүтээл туурвидаг уран бүтээлчид манай улсад хүрэлцэн ирж, өөрийн орны онцлогийг харуулсан жүжгүүдээ тоглох юм байна.

Монгол улсаа төлөөлөн Хүүхэлдэйн театрын уран бүтээлүүд болон УДЭТ-ын “Лусын дагина” жүжиг, Баянхонгор аймгийн “Тэмүүжин” театрын хүүхдэд зориулсан жүжгүүд оролцохоор шалгарчээ. Фестивалийн үеэр зөвхөн уран бүтээл тоглохоос гадна хүүхдэд зориулсан олон арга хэмжээ явагдахаар төлөвлөөд байгаа аж. Уг фестиваль ирэх сарын 3-ныг хүртэл үргэлжилнэ.

П.Наран