Монголын волейболын холбоо, "Витафит" групп хамтран зохион байгуулж буй клубүүдийн аварга шалгаруулах тэмцээн өнөөдөр өндөрлөж байна. Спортын төв ордноо хоёр сар үргэлжилсэн "Хаврын нээлттэй тэмцээн"-нд эрэгтэй зургаа, эмэгтэй таван баг өрсөлдөв.

Тэмцээний аваргаар эрэгтэйчүүдээс Чехийн хоёр легионер тоглогчтой "Хасу Мегастарс" баг, эмэгтэйчүүдээс "Энагурэ" багууд тус тус шалгарлаа. Тэмцээний шилдэг довтлогчоор эрэгтэйчүүдээс "Хасу Мегастарс" багийн А.Даваажаргал, эмэгтэйчүүдээс "Энагурэ" багийн С.Пүрэвжаргал нар шалгарлаа.

Тэмцээний дүнг танилцуулья:

Эрэгтэй:

Алтан медаль: Ж.Түмэн-Аюуш эзэнтэй, Д.Солонго ахлах дасгалжуулагчтай, А.Даваажаргал ахлагчтай "Хасу Мегаватт" ХХК-ны "Хасу Мегастарс" баг.

Мөнгөн медаль: Б.Цэвээн эзэнтэй, Б.Гансүх ахлах дасгалжуулагчтай, Э.Сайнбилэг ахлагчтай ДЦС-4 ТөХК-ны "Эрчим" баг.

Хүрэл медаль: С.Амгаабазар дасгалжуулагчтай, Э.Батхүү ахлагчтай ОБЕГ-ын "Аврагч" баг.

Эмэгтэй:

Алтан медаль: Жан Жи Хун эзэнтэй, Чон Юн Ха ахлах дасгалжуулагчтай, А.Пүрэвсүрэн ахлагчтай "Энагурэ" ХХК-ны "Энагурэ" баг.

Мөнгөн медаль: Б.Цэвээн эзэнтэй, Д.Баасансүрэн ахлах дасгалжуулагчтай, Б.Сүнжидмаа ахлагчтай ДЦС-4 ТөХК-ны "Эрчим" баг.

Хүрэл медаль: Жан Жи Хун эзэнтэй, Чон Юн Ха ахлах дасгалжуулагчтай "Энагурэ" ХХК-ны "Монти" баг.

Тэмцээний шилдгүүд:

Давуулагч: эмэгтэй Г.Хонгорзул (Монти), эрэгтэй П.Матей /Хасу Мегастарс/

Хамгаалагч: эмэгтэй Ч.Халиун ("Энагурэ"), эрэгтэй Т.Отгонтөгс ("Эрчим")

Холбогч: эмэгтэй А.Батжаргал ("Энагурэ"), эрэгтэй М.Мөнхсайхан ("Хасу Мегастарс")

Довтлогч: эмэгтэй: С.Пүрэвжаргал ("Энагурэ"), эрэгтэй А.Даваажаргал ("Хасу Мегастарс")

Энэхүү шагналыг олноо "Гялтгар хар" хэмээн алдаршсан спортын мастер С.Мөнхбаатар агсаны дүү нараас тус бүр хагас сая төгрөгийг ивээн тэтгэж гардуулдаг.

Хаагч: эмэгтэй: Э.Эрдэнэзаяа ("Эрчим"), эрэгтэй Э.Сайнбилэг ("Эрчим")

Тэгш тоглогч: эмэгтэй Г.Энхнаран ("Эрчим"), эрэгтэй М.Цэрэнбатаар ("Хасу Мегастарс") Шагналыг "Алтангэрэл" сангаас гардуулав.

Дасгалжуулагч: Чон Юн Ха ("Энагурэ"), Д.Солонго ("Хасу Мегастарс") тус тус шалгарлаа. 

Ч.БОЛОР