Японы мэргэжлийн сумо бөхийн Нацу башёгийн 11 дэх өдрийн барилдаан өнөөдөр боллоо. Өнөөдрийн барилдаанд Их аварга Хакүхо М.Даваажаргал сэкивакэ Гоёидод ялагдсанаар 10 даваа, нэг унаатай боллоо. Гоёидо зургаан даваа, таван унаатай башёг үргэлжлүүлж байна.  Харин озэки Кисэносато Икиойг давснаар 10 даваа, нэг унаатай болж, ёкозуна Хакухотой даваа, унааны харьцаа тэнцэн, тэмцээнийг хошуучлагчийн нэг боллоо.

Ёкозуна Харумафүжи Д.Бямбадорж өнөөдөр Точиозаныг давснаар есөн даваа, хоёр унаатай болов. Харин өнгөрсөн гуравдугаар сарын башёд түрүүлж, ёкозуна цол хүртсэн Какурюү М.Ананд өнөөдрийн барилдаанд Озэки Котошёогикүг давснаар найман даваа, гурван унаатай болоод байна. Маргааш буюу тэмцээний 12 дахь өдөр тэмцээнийг тэргүүлж байгаа их аварга Хакүхо М.Даваажаргал Озэки Кисэносато нар барилдана.

Видеог http://vimeo.com сайтаас үзнэ үү.

Ч.БОЛОР