Монгол Улс Шведийн Вант Улстай дипломат харилцаа тогтоосны 50 жилийн ой энэ оны 6 дугаар сарын 30–ны өдөр тохиож буй бөгөөд тус ойн баярын хүрээнд Швед Улсаас Монгол Улсад хавсран суугаа Элчин сайд Ларс Фреден 2014 оны 5 дугаар сарын 19-20-ны өдрүүдэд Улаанбаатар хотод ажлын айлчлал хийж байна.

Айлчлалынхаа үеэр Элчин сайд Ларс Фреден Д.Нацагдоржийн нэрэмжит Улаанбаатар хотын төв номын сангийн Хан Уул дүүрэг дэх харъяа салбар 2-р номын санд зочлон, тус номын сантай танилцсан ба Улаанбаатар хотын 75 дугаар сургуулийн 4 дүгээр ангийн сурагчдад болон тус номын санд Шведийн алдарт зохиолч Астрид Линдгрэнийн номын дээжээс бэлэглэв. Монголчууд Астрид Линдгрэнийг “Дээвэр дээр суудаг Карлсон” зохиолоор нь сайн мэддэг билээ

Эх сурвалж: www.mfa.gov.mn