Японы мэргэжлийн сумо бөхийн Нацу башёгийн ес дэх өдрийн барилдаан өнөөдөр боллоо. Ес дэх өдрийн барилдаанд манай бөхчүүдээс их аварга Хакухо М.Даваажаргал комүсүби Эндог давснаар нэг ч унаагүйгээр башёг ганцаар тэргүүлж байна. ёкозуна Харумафүжи Д.Бямбадорж Шохозаныг давж, долоон даваа, хоёр унаатай болоод байна.

Харин өнгөрсөн гуравдугаар сарын башёд түрүүлж, ёкозуна цол хүртсэн Какурюү М.Ананд өнөөдрийн барилдаанд секивакэ Точиозанд өвдөг шороодсоноор зургаан даваа, гурван унаатай боллоо.  

Мэргэжлийн сумогийн тавдугаар сарын Нацу башёг есөн өдрийн дараах байдлаар Их аварга Хакухо М.Даваажаргал есөн даваатай тэргүүлж байгаа бол нэг унаа, найман даваатай озэки Кисэносато удаах байранд бичигдэж байна.

Б.БИЛЭГ