Нийслэлийн Баянзүрх дүүргийн 13 дугаар хороолол дахь “Петровис”-ын шатахуун түгээх станцын ойролцоогоос цогцос олджээ. Энэ талаар эх сурвалжаас тодруулахад, “Тус газраас эрэгтэй хүний цогцос олдсон нь үнэн. Харин толгойгүй цогцос олдсон гэдэг мэдээлэл зарим сайтад гарсан нь ташаа. Цогцсыг олон сарын өмнө булсан бололтой. Энэ хэсэгт барилгын ажил явуулж байсан болохоор газарт булсан цогцосны толгой, гавлын орчимд нилээд гэмтсэн байдалтай олдсон.  Яг одоо хэргийн газар дээр шалгалт хийж байгаа болохоор үүнээс илүү мэдээлэл өгөх боломжгүй байна” гэсэн хариултыг өглөө.

Д.ЦЭЦ