Одоогоос 15 жилийн өмнө “Маамуу нааш ир” дууг  хөгжимгүйгээр  хоолой салган дуулснаар олны анхааралд өртсөн ”Камертон” хамтлаг энэ сарын 30-нд төрсөн өдрөө тэмдэглэн, тоглолтоо хийх гэж байна. Тэд Монголын рок попын ертөнцөд уран бүтээлээ туурвисаар  15 жил өнгөрчээ. Тоглолт АПУ компанийн “Нийслэл” хотхонд  20.00 цагт эхлэх юм. АПУ компанийн  “Нийслэл” хотхонд “Камертон” хамтлагийн тоглолтын тайз  заслын  ажил  хэдийнэ  эхэлжээ. Тус тоглолтыг Монгол газар, АПУ компани ивээн тэтгэж байгаа юм. 70 сая төгрөгийн зардлаар бүтэж байгаа гэх тэдний тоглолтын тасалбар 50 мянган төгрөгөөр үнэлэгджээ. “Камертон“ хамтлагийн тоглолтыг тэсэн ядан хүлээж байсан фэнүүдэд нь тасалбарын үнэ тийм ч таатай санагдахгүй байгаа гэсэн шүү.