Японы мэргэжлийн сүмо бөхийн тавдугаар сарын хацү башёгийн найм дахь өдөр буюу өнөөдөр /05.18/ Хакүхо Ёшиказэг давснаар найм дахь даваагаа авч, башёг тэргүүлсэн хэвээр байна. Энэ өдөр Кисэносато Эндог, Икиой Оосүнаарашиг давснаар долоон даваа, нэг унаатай тэргүүлэгчийн араас  нэхэж явна.

Энэ өдөр Харүмафүжи Чиёооториг, Какүрюү Такарафүжиг давснаар зургаан даваа, хоёр унаатай боллоо. Тэмцээний эхний өдөр ёкозүна Харүмафүжи Ёшиказэд унаад байсан бол зургаа дахь өдөр /05.16/ Тоёоношимад унажээ. Шинэ аварга Какүрюү дөрөв дэх өдөр маэгашира Эндод унасан бол өчигдрийн барилдаанд Чиёооториг давсангүй.

 Маргааш(05.19) буюу тэмцээний ес дэх өдөр Хакүхо дөрвөн даваатай Эндотой, Харүмафүжи таван даваатай Шёохозантай барилдана. Какүрюү таван даваатай Точиоозантай оноолт таарчээ. Хакүхогийн араас долоон даваа, нэг унаатай нэхэж буй Кисэносато Ёошиказэ(3-5), Икиой Аминишиктэй(5-3) тус тус барилдана.

Өнөөдрийн барилдааны бичлэгийг ЭНД-с үзнэ үү.

Ч.БОЛ