Нохойн халдлагаас дөрвөн настай хүүг аварсан зоригт муурын бичлэг “YouTube” сайтад тавигдсанаар олны анхаарлыг татаад байна. Энэ хэрэг АНУ-ын Калифони мужийн Бэйкерсфилд хотод өнгөрсөн мягмар гаригт /V.13/ болсон байна. Дөрвөн настай Жереми хүү гэрийнхээ гадна дугуй унаж байхад хөршийнх нь лабрадор, чао үүлдрийн эрлийз “Керо” нэртэй нохой түүн рүү халдсан аж.  Нохой хүүгийн хөлснөөс нь зууж дугуйнаас унагаах тэр агшинд Жеремийн “Тара” нэртэй муур хүрч ирэн нохойг хөөж явуулжээ. Удалгүй Жеремийн ээж Эрика хүрч ирснээр нохойг ахиж хүүд нь халдахаас сэргийлэн цааш нь хөөсөн байна. Жеремийн аав хэрэг явдлыг бичиж авсан гудамжны камерын бичлэгийг өнгөрсөн шөнө /V.14/ “YouTube”-д тавьсан даруй дөрвөн сая хандалт авчээ.

Б.АНХТУЯА

Эх сурвалж: CBCNEWS