“Blue moon” арт галерейн гишүүн, уран бүтээлч Э.Сайнхүүгийн “Зэргэлдээ ертөнц” гурав дахь бие даасан үзэсгэлэн “Blue moon” арт галерейд тавдугаар сарын 17-25-ны хооронд дэлгэгдэх гэж байна.

Э.Сайнхүү нь “Blue moon” арт галерейгаас 2013 онд зохион байгуулсан “График зураг бас Дижитал” арт үзэсгэлэнгийн шилдэг бүтээлийн эзнээр тодорч, “Blue moon” арт галерейд бие даасан үзэсгэлэнгээ гаргах эрхээр шагнагдаснаар “Зэргэлдээ ертөнц” үзэсгэлэнгээ уран зураг сонирхогчдын хүртээл болгож байгаа нь энэ юм. Тэрээр “Зэргэлдээ ертөнц” үзэсгэлэнгийн бүтээлүүддээ хүмүүний хоорондын үл ойлголцол, дасан зохицлын талаарх өөрийн бодлын ертөнцийг тусгаж өгсөн нь үзэсгэлэнг өвөрмөц болгох нь мэдээж. Үзэсгэлэнд 12 уран зураг, 20 гаруй график бүтээл дэлгэгдэх ажээ.

Э.ТЭКҮ